Xerex online

Bakit walang online version ang paborito kong mamamahayag na si Xerex Xaviera sa website ng Abante-Tonite? Pwede naman nilang ilagay ‘yun sa entertainment, opinion, o kaya sa public service section nila. Malamang mauungusan pa nila ang Inquirer kung ilalagay nila sa internet ang kanyang mga likha. Wala namang problema masyado sa Inquier, na-e-enrich pa nga ang English vocabulary ko, ngunit kung tutuusin angat pa din ang writing style ni Xerex.

Sinong gusto mag-volunteer para magsulat ng petition sa Abante website hinggil dito?

Dito nga sa Germany, nakabuyangyang lang ang Playboy sa mga tindahan. Pero ‘di ako bumibili.  Umaaligid lang sa ibang sections at kung may pagkakataon, tumitingin lang ng palihim).

GMA in 7-star hotel

Tingnan mo nga naman si Madam President, feeling upgraded din. Hindi siya sa isang 5-star hotel matutulog, kundi sa the only 7-star hotel in the world! Ako nga minsan lang makatuloy sa hotel hindi pa five-star. ‘Yan ay kung meron akong kakilalang matutulog doon o kaya pumupuslit papasok sa mga conferences kung saan may free food! Busog na, masarap pa!

Mission: Maging close kay GMA!

Hello world!

Welcome to WordPress.com. This is your first post. Edit or delete it and start blogging!

Huy, WordPress. FYI, hindi ‘world’ ang pangalan ko, medyo makamundo nga lang kung minsan. You sound like E.T., as in the movie! It’s JoloG, short for Jolo in Germany.

Hay salamat. Sa wakas, nakagawa na din ako ng blog. Mag-aanim na buwan na tayo sa Germany pero ngayon lang ako nakagawa nito. Medyo hindi kasi tayo computer-savvy tsaka medyo busy sa studies (naks!). Na-challenge ang pag-iisip ko sa pag-register dito. Ano ba ang kinalaman ko sa mga tags at RSS na mga ‘yan. Pero kung si Inday nga nakagawa ng blog (na may sariling domain na ngayon! Ibang level na nga talaga si Inday.), bakit hindi ako? Hi-tech climber, ‘ika nga. Dapat lang, dahil nandito ako ngayon sa land of hi-technology at, uhmm, beer (hindi yata connect ‘yun ah) – Germany, Deutschland, Alemanya (trilingual na si mokong!). Kailangan nating makipag-sabayan, kahit sa internet man lang.

Nandito ako sa Germany para magpaka-dalubhasa. Subok lang ba. Sabi nga, try and try until you die! Medyo walang magawa ngayong Linggo, nagkukutingting sa internet, at naisip ko, bakit hindi ako gumawa ng blog. Kaya mo nababasa ‘to. Kasi wala akong magawa, katulad mo!

Hindi ako makapag-stroll dahil malamig at makulimlim. Panget ang panahon. Pero mamayang hapon baka makipag-meet ako sa kaklase kong Espanyola, nagyayaya uminom. Di yata tayo tatanggi diyan. Mag-se-siesta muna ako para ready tayo mamaya sa tomahan.